Autoritetet vendase kanë njoftuar se numri i personave të prekur nga COVID- 19 në Maqedoninë e Veriut ka arritur në 70 persona. Numri më i lartë i të infektuarve është shënuar në 24 orët e fundit ku janë konfirmuar 22 persona të rinj të prekur.
Për momentin gjeografia e të prekurve është e shpërndarë në Dibër, Shkup, Gostivar, Shtip dhe Ohër. Ajo që vërehet nga të dhënat e Ministrisë së Shëndetësisë është se tashmë në Shkup rezulton se ka më shumë raste të regjistruara se në Dibër.
Ministri i Shëndetësisë, bëri më dije se pacientët janë në gjendje të qëndrueshme dhe të lehtë, ndërsa vetëm një paciente është në frymëmarrje me apart.
Ministri Filipçe informoi se deri tani janë bërë gjithsej 888 teste, ndërsa vendi posedon edhe 1400 teste rezervë, ndërsa në javët e ardhshme pritet furnizimi edhe me 2 mijë të tilla. Ai tha se Kina ka konfirmuar donacionin prej 200 aparatesh për frymëmarrje./Opinion.al
