Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

1922/ Letra e Mit’hat Frashërit mbi grushtin e shtetit në Shqipëri

2021/01/12 at 10:19 AM
në -Kulturë, Te Fundit
Kohë leximi: 5 min
A A
1922/ Letra e Mit’hat Frashërit mbi grushtin e shtetit në Shqipëri

Nga Aurenc Bebja


“France-Orient” ka botuar, më 10 prill 1922, në faqen n°52, një letër të Mit’hat Frashërit (Sulo Kendom) mbi grushtin e shtetit të muajit mars në Shqipëri.

Shqipëri

Letër nga Tirana

Tiranë, 22 mars 1922.

Shqipëria kaloi një krizë të thellë që mund ta kishte futur në humnerë. Ajo doli fituese pas një makthi të keq që zgjati dhjetë ditë. Ngjarjet nxituan dhe kaluan si një zhurmë, si një erë flakëruese. Ende ka një erë ozoni në ajër, elektricitet në ajër, por qetësia e dukshme është kudo, dhe jeta ka rifilluar rutinën e saj të zakonshme. Tirana, e cila pësoi një tronditje të tmerrshme, aktualisht ofron aspektin babaxhan të qytetit të vogël që ne njohim, në këmbët e malit Dajt, me plepat e saj të gjatë dhe selvitë shekullore.

Për të kuptuar përmbajtjen e çështjes, duhet të kujtojmë ngjarjet e dhjetorit të kaluar, kur qeveria e z. Pandeli Evangjeli u detyrua të jepte dorëheqjen nga një klikë politike drejtuesit e së cilës ishin Hasan Prishtina, Ramiz Datri. Ky grusht shteti nuk zgjati, sepse njerëzit shprehën pakënaqësi të përgjithshme, hynë në grevë dhe, pas kësaj rezistence “passive”, kabineti i Hasan Prishtinës dha dorëheqjen. Ai qëndroi në pushtet vetëm për katër ditë. Dhoma e Deputetëve u mblodh me shpejtësi, qeveria aktuale Xhafer Ypi u formua dhe Këshilli i Lartë, i përbërë nga katër anëtarë, u ripërtëri.

Dhoma e Deputetëve me shumicë dërrmuese mbështeti qeverinë e re. Por ky ndryshim nuk u bë pa shkaktuar pakënaqësi, veçanërisht pasi ata që ishin përgjegjës për grushtin e shtetit të dhjetorit duhej të dërgoheshin para një gjykate të jashtëzakonshme për t’u gjykuar, dhe ata donin të shmangnin këtë sprovë.

Propaganda ishte bërë nën petkun e një lëvizjeje që kishte për synim të shpërndante Dhomën e Deputetëve (zgjedhjet u zhvilluan në Prill 1921) dhe për të thirrur një Asamble Kushtetuese. Opozita shpresonte të merrte një shumicë në zgjedhjet e ardhshme, të ndryshonte politikën e brendshme dhe të jashtme të qeverisë dhe në të njëjtën kohë të shmangte gjykimin e atyre që ishin përgjegjës për grushtin e famshëm të shtetit.

Disa lider dhe udhëheqës u pajtuan me këto ide : Bajram Curri, në Pukë (në veri-lindje të Shkodrës), Halit Lleshi dhe Elez Jusufi, në qendër, në Drin.

Bajram Curri besonte se ishte promovuesi i një lëvizjeje kombëtare. Ai mendoi se Shkodra ishte në anën e lëvizjes. Por sapo mësoi se banorët e qytetit të Shkodrës nuk e miratonin një lëvizje të paligjshme, ai braktisi planin e tij dhe qendroi (u tërhoq) i qetë. Ai nuk lëvizi nga Puka. Gjithçka që është njoftuar në llogarinë e tij, pra është plotësisht e gabuar.

Halit Lleshi është njeriu i famshëm i Esat Pashës dhe mban gradën e majorit në ushtrinë serbe të rezervave. Thonë se fondet dhe burrat (ushtarët) i vijnë nga Serbia. Njerëzit e mençur besojnë se Qeveria Jugosllave mund të mos ketë njohuri zyrtare për këto fakte, por duket se një klikë serbe përgjatë kufirit, kryesisht në Dibër dhe Prizren, ka qenë një vatër e politikës militante në vend në dëm të interesave të dy shteteve fqinje. Sidoqoftë, Halit Lleshi, me bandën e tij, prej treqind të fortëve, marshoi drejt Elbasanit, qytetit qendror, mbi Shkumbin dhe u mund plotësisht, në një luftë që u zhvillua tre orë larg qytetit. Ai iku dhe u strehua në territorin serb. Ky është lajmi për të cilin flitet për shkeljen e zonës neutrale të njoftuar nga agjencitë telegrafike serbe.

Lufta e Halit Lleshit u zhvillua më 6 Mars. Më 8 të të njëjtit muaj, Elez Jusufi zbret në fushën e Krujës, njëzet kilometra në veri të Tiranës. Një kompani xhandarmërie u kap e papërgatitur dhe komandantin Meleq Frashëri e vranë. Banda e Jusufit hyri në të njëjtën ditë, pas perëndimit të diellit, në një lagje të Tiranës. Ahmed Mati (Ahmet Zogu), Ministri i Brendshëm dhe kolegu i tij i Punëve Publike, Spiro Koleka, organizojnë vetë mbrojtjen e qytetit; u erdhën në ndihmë përforcime dhe lufta zgjati gjashtëmbëdhjetë orë në rrugët e kryeqytetit. Qeveria nuk ishte larguar nga qyteti, por kryetari i këshillit, Xhafer Ypi, si dhe Hysen Vrioni, ministri i drejtësisë, ishin tërhequr në Elbasan.

Falë përforcimeve të marra, trupat qeveritare kishin rrethuar Elez Jusufin, kur ky i fundit njoftoi se po dorëzohej, duke dorëzuar armët dhe duke u betuar se nuk do të merrte më kurrë pjesë në lëvizje të tilla. Elezi tha se u mashtrua nga një propagandë e së cilës nuk i njihte sekretet ose qëllimet antipatriotike. Në Tiranë, do t’ju thonë se këshillat e Z. Eyves, Ministrit (Ambasadorit) të Britanisë së Madhe, ishin thelbësore në zgjidhjen e këtij konflikti të përgjakshëm. Në të vërtetë, Elez Jusufi pati shumë respekt për z. Eyves.

Më 10 Mars, Tirana rimori pamjen e saj të zakonshme, kur Durrësi dhe qyteti i vogël i Shijakut u kthyen në skenë të një lëvizjeje të shkaktuar nga dy reaksionarë, Hamit Toptani dhe Omer Shijaku. Këto dy zotërinj të trishtuar ishin përfshirë në lëvizjen Esadiste të korrikut 1920, të arrestuar dhe të burgosur. Ata shfrytëzuan vështirësitë me të cilat përballej Qeveria për t’u hakmarrë.

Por trupat qeveritare mbërritën pa vonesë dhe nuk hasën rezistencë serioze as në Shijak dhe as në Durrës.

Kështu përfundoi uragani. Ka më shumë se pesëdhjetë të vdekur në të dyja anët. Tetë individë u dënuan nga gjykata ushtarake dhe u ekzekutuan. Hamit Toptani dhe Omer Shijaku udhëtuan (u larguan) për në Itali në bordin e një anijeje italiane. 

Gazetat italiane tregojnë një gjendje të keqe shpirtërore tepër komprometuese. Thuhet gjithashtu në vend që agjentë të caktuar italianë u përpoqën ende të luanin në këtë rrethanë një rol identik me atë që agjentët e tjerë italianë kishin luajtur në vend në 1914, ndërsa i famshmi Esat Pasha gëzonte të gjithë besimin e Qeverisë së Romës.

Me qëndrimin e saj energjik, Qeveria Shqiptare konfirmon vendosmërinë e saj për të siguruar respektimin e pavarësisë politike dhe për të mos pësuar asnjë intrigë të huaj. Për më tepër, kjo është politika më e mirë për Shqipërinë për veten dhe për fqinjët e saj.

SULO KENDOM

https://www.darsiani.com/la-gazette/france-orient-1922-letra-ekskluzive-e-mit-hat-frasherit-mbi-grushtin-e-shtetit-te-muajit-mars-ne-shqiperi/

Etiketa: grushtin e shtetiLetra e Mit’hat Frashëritshqiperi


Ju sugjerojmë

Hoteleria, një sektor në zhvillim/NSTAT: Indeksi i pagave rritet me 26,2%
Aktualitet

Hoteleria, një sektor në zhvillim/NSTAT: Indeksi i pagave rritet me 26,2%

16 Qershor, 2025 5:30 pm
Gjithnjë e më shumë dronë të armatosur mbi Ballkan dhe askush nuk i mbikëqyr
Rajoni

Gjithnjë e më shumë dronë të armatosur mbi Ballkan dhe askush nuk i mbikëqyr

16 Qershor, 2025 5:18 pm
Kuvendi miraton me 72 vota projektligjin për performancën energjitike të ndërtesave
Kryesore

Kuvendi miraton me 72 vota projektligjin për performancën energjitike të ndërtesave

16 Qershor, 2025 5:06 pm
Si mund të ndikojë konflikti Izrael-Iran në luftën e Rusisë kundër Ukrainës?
Bota

Si mund të ndikojë konflikti Izrael-Iran në luftën e Rusisë kundër Ukrainës?

16 Qershor, 2025 4:42 pm
U martua me 13-vjeçaren rome dhe u bë me fëmijë, fiton lirinë Dritson Kurti
Aktualitet

U martua me 13-vjeçaren rome dhe u bë me fëmijë, fiton lirinë Dritson Kurti

16 Qershor, 2025 4:34 pm
Konflikti Izrael-Iran/ Ekspertët: Ari i zi në tregje, i paqëndrueshëm
Bota

Konflikti Izrael-Iran/ Ekspertët: Ari i zi në tregje, i paqëndrueshëm

16 Qershor, 2025 4:21 pm
Dhërmi/Sekuestrohen kanabis, kokainë dhe tableta ekstazi, në pranga dy të huaj
Aktualitet

Dhërmi/Sekuestrohen kanabis, kokainë dhe tableta ekstazi, në pranga dy të huaj

16 Qershor, 2025 4:18 pm
Samiti i SEECP/ Begaj: Shqipëria, me ritëm të shpejtë drejt integrimit evropian
Aktualitet

Samiti i SEECP/ Begaj: Shqipëria, me ritëm të shpejtë drejt integrimit evropian

16 Qershor, 2025 4:03 pm
“Ju kanë urdhëruar bandat”/ Albana Vokshi: S’ma mbyllni dot gojën! Turp që…
Aktualitet

“Ju kanë urdhëruar bandat”/ Albana Vokshi: S’ma mbyllni dot gojën! Turp që…

16 Qershor, 2025 3:47 pm
Shkolla Verore/ Manastirliu: Përfitojnë mbi 1 mijë fëmijë, 150 mësues të angazhuar
Aktualitet

Shkolla Verore/ Manastirliu: Përfitojnë mbi 1 mijë fëmijë, 150 mësues të angazhuar

16 Qershor, 2025 3:29 pm
Para
Video/ “Babai i koteleve”, Turqia dënon me rreth 10 000 vite burg imamin

Video/ “Babai i koteleve”, Turqia dënon me rreth 10 000 vite burg imamin

“1 mijë dollarë bifteku”, Basha: Rama s’ka turp, koha për ndryshim

“1 mijë dollarë bifteku”, Basha: Rama s’ka turp, koha për ndryshim

Rama monitoron ditën e dytë të vaksinimit anti-COVID, Bino:Të moshuarit…

Rama monitoron ditën e dytë të vaksinimit anti-COVID, Bino:Të moshuarit...
















TE FUNDIT

Hoteleria, një sektor në zhvillim/NSTAT: Indeksi i pagave rritet me 26,2%

Hoteleria, një sektor në zhvillim/NSTAT: Indeksi i pagave rritet me 26,2%
16 Qershor, 2025

Statistikat e shërbimeve për tremujorin e parë 2025, INSTAT: Pasuritë e paluajtshme, rritet indeksi i punësimit me 6,6% Instituti i...

Lexo më shumë

Gjithnjë e më shumë dronë të armatosur mbi Ballkan dhe askush nuk i mbikëqyr

Gjithnjë e më shumë dronë të armatosur mbi Ballkan dhe askush nuk i mbikëqyr
16 Qershor, 2025

Gati tridhjetë vjet pas pushimit të armëve në Ballkanin Perëndimor, dronë të rinj të armatosur janë duke patrulluar në heshtje...

Lexo më shumë

Kuvendi miraton me 72 vota projektligjin për performancën energjitike të ndërtesave

Kuvendi miraton me 72 vota projektligjin për performancën energjitike të ndërtesave
16 Qershor, 2025

Parlamenti miratoi me 72 vota pro projektligjin e dorëzuar nga Ministria e Infrastrukturës dhe Energjisë dhe i paraqitur si nismëtar...

Lexo më shumë

Si mund të ndikojë konflikti Izrael-Iran në luftën e Rusisë kundër Ukrainës?

Si mund të ndikojë konflikti Izrael-Iran në luftën e Rusisë kundër Ukrainës?
16 Qershor, 2025

Pas bisedës telefonike më 14 qershor, që u përqendrua në shpërthimin e luftimeve në Lindjen e Mesme, presidenti amerikan, Donald...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com