Bota

1700 foka të ngordhura u gjetën në brigjet e Detit Kaspik



Bëhu pjesë e Grupit Zyrtar të Opinion.al
>> KËTU <<
               Publikuar në : 17:44 - 04/12/22 |
Opi Nion

Rreth 1700 foka janë gjetur të ngordhura në bregun e Detit Kaspik në Rusinë jugore, thanë zyrtarët rusë të dielën.

Autoritetet në provincën ruse të Dagestanit thanë se është ende e paqartë se çfarë e shkaktoi vdekjen e kafshëve, ndërsa mendohet se mund të kenë ngordhur për shkaqe natyrore.

Zyrtarët rajonalë fillimisht thanë të shtunën se 700 foka të ngordhura u gjetën në bregdet, por të dielën, Zaur Gapizov, kreu i Qendrës për Mbrojtjen e Mjedisit Kaspik, tha se sipas agjencisë shtetërore të lajmeve RIA Novosti, pas një inspektimi më të gjerë të bregdetit numri i kafshëve të ngordhura ishte 1700.

Gapizov tha se fokat ka të ngjarë të kenë ngordhur disa javë më parë, ndërsa shtoi se nuk kishte asnjë shenjë se ato ishin vrarë nga gjuetarët.

Ndërkohë, ekspertët e Agjencisë Federale të Peshkimit dhe prokurorët inspektuan vijën bregdetare dhe mblodhën të dhëna për kërkime laboratorike.

Sipas mediave të huaja, disa incidente të mëparshme të vdekjeve masive të fokave iu atribuuan shkaqeve natyrore. Të dhënat për numrin e fokave në Kaspik ndryshojnë shumë. Agjencia e peshkimit ka thënë se numri i përgjithshëm i fokave të Kaspikut është 270,000 deri në 300,000, ndërsa qendra e Gapizov e ka vendosur numrin në 70,000./Opinion.al

Pas