Ministrja e Arsimit, Evis Kushi, në një dalje për mediat, ka folur për ngjarjen e rëndë të ndodhur në Lushnje, ku një 13-vjeçar humbi jetën teksa po regjistronte një video për rrjetin social “Tik-Tok”.
Gjatë fjalës së saj, ministrja ka ngarkuar me më shumë përgjegjësi prindërit, të cilët, sipas saj, i lejojnë fëmijët të qëndrojnë shumë kohë në telefon dhe nuk i kontrollojnë se çfarë ata shohin.
Për të parandaluar raste të tilla, Kushi tha se përgjegjësi ka si familja, ashtu edhe shoqëria dhe institucionet arsimore.
“Së bashku jo vetëm mësuesit, punonjësit psiko-sociale padyshim edhe familja edhe e gjithë shoqëria.
Jemi dëshmitarë të rasteve kur prindërit i lejojnë fëmijët që të rrinë me orë të gjata e as i kontrollojnë ku çfarë informacionesh marrin e ku aksesojnë, ndaj them që përgjegjësia është e jona e të gjithëve.
Unë kam bërë një ftesë publike që të hapim një debat të gjerë që çfarë duhet të bëjë gjithsecili që të mos dëmtojmë as shëndetin as të ardhmen e fëmijëve tanë por të hartojmë strategji politika si ti kemi sa më të shëndetshëm”,-deklaroi ministrja e Arsimit./Opinion.al
