Ish-kryeministri Sali Berisha, u pyet nga gazetarët edhe për vizitën e anëtarëve të lartë të DASH, të cilët takuan disa politikanë shqiptarë një ditë para Kuvendit të PD.
Berisha u shpreh se “loja me kukulla nuk është seriozë dhe nuk funksionon në Shqipëri”.
Ai tha se askush nuk mund të caktojë një kryetar apo udhëheqjen e forcës demokratike dhe konservatore të Shqipërisë.
“Po të kthehemi në dhjetor zoti Escobar takoi Lulzim Bashën dhe jo vetëm kaq, por fiksoi edhe një takim në Uashington me të. Kësaj here erdhën, takuan pasardhësin e Bashës, do të thosha unë përsëri ato që kam thënë. Loja me kukulla s’është serioze, nuk funksionon në Shqipëri. Përpjekja siç e thash edhe në Kuvend ku e majta shqiptare, e majta e SHBA-ve dhe e mbarë botës nuk cakton kryetarin dhe udhëheqjen forcës demokratike dhe konservatore të Shqipërisë. Të tjerat janë çështje protokollesh”,-Berisha./Opinion.al
