Zonja e Parë e Ukrainës Olena Zelenska ka dhënë një intervistë për televizionin ukrainas RADA së bashku me bashkëshortin e saj Volodymyr Zelensky.
Është vetëm hera e dytë që çifti shihen bashkë që nga fillimi i luftës në Ukrainë, pasi ajo ka qenë në një vend sekret për sigurinë e saj.
Ajo tha: “Sprova më e keqe është lufta që ka filluar. “Nuk mund të them se Volodymyr ka ndryshuar që nga fillimi i kësaj lufte. Ai ishte një burrë i besueshëm më parë, dhe vazhdon të mbetet. Pikëpamja e tij nuk ka ndryshuar. Familja jonë, si të gjitha familjet ukrainase, tani është e ndarë”.
Zonja e Parë tregon se nuk ishte e befasuar që burri i saj ka frymëzuar botën me udhëheqjen e tij.
“Askush nuk ma merr burrin tim, madje as lufta”. Ai është duke punuar shumë. “Kemi dy muaj e gjysmë që nuk jemi parë fare dhe prej ditësh flasim vetëm në telefon. Ne jemi takuar vetëm pak herë gjatë kësaj kohe dhe prapë jam e lumtur që patëm mundësi të kalonim kohë bashkë”-tha ajo./Opinion.al
