Kreu i zjarrfikëses në Tiranë, Shkëlqim Gonxhaj, deklaroi se për momentin, forcat e fikjes së zjarrit po përqendrohen për të parandaluar përhapjen e flakëve në magazinën ngjitur të fabrikës së riciklimit.
Ai shtoi se kompania nuk ka marrë masa për sistemin e mbrojtjes nga zjarri.
Goxhaj hodhi poshtë pretendimet se forcat zjarrfikëse kanë ardhur me vonesë.
Gonxhaj: Mendojmë që duhet ta shpëtojmë tani këtë magazinë nga zjarri që ka rënë në fabrikën e ricikimit, për të cilën nuk mund të bëjmë dot gjë në këtë moment, përveç të izolojmë zjarrin dhe të mos lejojmë kalimin np magazinën tjetër. Jemi të pozicionuar vetëm në këtë pozicion. Në momentin që jemi të siguruar që zjarri nuk do të kalojë në magazinën tjetër, atëherë do të përparojmë dhe do të izolojmë gjithë flakët.
-Ka aludime se forcat zjarrfikëse kanë ardhur me vonesë?
Gonxhaj: Ato janë gjitha të verifikueshme. Sot është ditë e diel dhe nuk ka trafik. Unë e kam shtëpinë 500-600 metra larg nga këtu. E kam ndjekur me vëmendje ngjarjen. Edhe me biznesin që nuk ka reaguar sistemi i mbrojtjes ndaj zjarrit. Është hera e dytë brenda një vit, e cila është gjobitur për shkak të mos marrjes së masave ndaj zjarrit.
