Vëllai i Nuredin Dumanit, të penduarit të drejtësisë ka dhënë një intervistë për gazetarin Flamur Vezaj, ku ka folur ndër të tjera edhe pr fatin e Talo Ceelës, I zhdukur prej vitesh.
Sipas Fitim Dumanit, Talo Çela është vrarë nga vëllezërit Çopja, ndërsa ka qenë duke ngrënë në restorantin që këta të fundit kanë në pronësi në Elbasan.
“Talo Çelën e kanë vrarë duke ngrënë bukë. Në restorant në Elbasan. U vra nga vëllezërit Çopja. Vetë restoranti ishte i vëllezërve. E vranë që mos të fliste. E vranë që të humbnin gjurmët”, është shprehur ndër të tjera, Fitim Dumani gjatë intervistës në podcastin “MaShqip”.
Mes të tjerash ai ka pohuar se konflikti mes Nuredin Dumanit dhe Talo Çelës, nisi për një borxh prej 10 mijë eurosh, ndërkohë që ata kishn qenë miq të ngushtë.
“Janë prish për 10 mijë euro që Altin Ndoci i kishte Dashnorit. Altini ishte ushtar i Talos. Dora e parë që njihej me Çopjat“, tha ai./Opinion.al
