Në dy ditët e fundit, 19 persona që besohet të jenë emigrantë, përfshirë dy fëmijë, janë vrarë nga flakët e pyjeve në Greqi.
Sipas mediave të huaja, qindra zjarrfikës po luftonin në dy fronte kryesore, njëri pranë Athinës dhe tjetri në Greqinë verilindore, përveç disa zjarreve të tjera më të vogla.
Një zjarr i ndezur nga erërat e forta shpërtheu ultësirat e malit Parnitha, pylli më i madh ngjitur me kryeqytetin, duke u djegur pranë periferisë së një parku kombëtar.
“Situata në Parnitha është jashtëzakonisht kritike,” tha në një konferencë shtypi Ministri i Mbrojtjes Civile Vassilis Kikilias.
Komisioni Evropian tha se 246 zjarrfikës, 40 automjete dhe tetë avionë nga tetë shtete anëtare ishin dërguar në ndihmë.
Të mërkurën në mëngjes u urdhëruan evakuime për disa vendbanime në periferi të kryeqytetit, duke përfshirë tre shtëpi pleqsh. Në dy ditët e fundit nëntëmbëdhjetë njerëz që besohet të jenë emigrantë, duke përfshirë dy fëmijë janë vrarë në zjarret pyjore.
Zjarri dëmtoi shtëpitë në distriktin veriperëndimor të Athinës, Menidi dhe kërcënoi për pak kohë një kamp ushtrie. Zjarret kanë shkatërruar tashmë shtëpi dhe prona në periferi të Hasisë dhe Fylit.
Një qendër paraburgimi emigrantësh në Amygdaleza, në veri të Athinës, u evakuua gjithashtu. Një tjetër zjarr në Boeoti, në veri të Athinës, iu afrua rrezikshëm një manastiri bizantin të listuar në UNESCO.
Zjarrfikësit grekë kanë luftuar mbi 350 zjarre gjatë pesë ditëve të fundit, duke përfshirë mbi 200 në 48 orët e fundit, tha Kikilias.
Gati njëqind ishin aktualisht të pakontrolluar, tha shërbimi zjarrfikës.
Zëdhënësi i departamentit të zjarrfikësve, Yiannis Artopios tha se 140 persona ishin arrestuar nën dyshimin për zjarrvënie, shumica e të cilëve aksidentale./Opinion.al
