Gareth Bale është ‘shumë pranë largimit’ nga Reali i Madridit, ka thënë trajneri Zinedine Zidane.
Uellsiani është lënë jashtë ndeshjes para sezonale të Realit me Bayern Munich e cila përfundoi me humbjen 3-1 të ‘Los Blancos’
Pas ndeshjes, Zidane tha: “Shpresojmë që ai të largohet së shpejti, do të ishte më mirë për të gjithë, ne po punojmë për transferimin e tij në një ekip të ri. Nuk kam asgjë personale kundër tij, por vjen koha kur gjërat bëhen sepse duhet të bëhen.”
Bale është i lidhur me Realin e Madridit edhe për tri vite të tjera sipas kontratës së tij.
“Duhet të marr vendime, duhet të ndryshojmë,” shtoi Zidane. “Dalja është vendimi i trajnerit, dhe gjithashtu i lojtarit, i cili e njeh situatën. Situata do të ndryshojë, unë nuk e di nëse në 24 ose 48 orë, por ajo do ndodhë – dhe kjo është një gjë e mirë për të gjithë.”
Problemet me dëmtimet kanë kufizuar Bale në 79 paraqitje të La Ligas në katër sezonet e fundit. Ai luajti 42 ndeshje për ‘Los Blancos’ sezonin e kaluar, gjysma e atyre si zëvendësim. /Opinion.al
