Deputetja e Partisë Demokratike Ina Zhupa ka pasur një interpelancë me ministren e Arsimit, Evis Kushi.
Zhupa i kujtoi ministres se deri më tani duhet të kishte përfunduar kontrolli anti-plagjiaturë dhe rishikimi i titujve.
Ndër të tjera ajo iu drejtua ministres duke thënë i thënë se ajo vetë ishte një ndër të akuzuarat për plagjiaturë.
“Dibranët thonë në shtëpinë e të varurit nuk përmendet litari. Ju jeni vetë një nga të akuzuarat për plagjiaturë. Duhet të ishte mbaruar tashmë kontrolli anti plagjiaturë dhe rishikimi i titujve akademikë. Në këto tre vjet duhet të kishit bërë kontrollin anti plagjiaturë për pedagogët në radhë të parë.
Duhet të ishte miratuar ligji i ri për kërkimin shkencor. Duhet të ishte krijuar arkivi digjital i doktoraturave. Keni premtuar që në vitin 2019 kodin e cilësisë. Në momentin kur kurrikula ecën në një drejtim dhe biblioteka ecën në një drejtim tjetër nuk e di kush janë detyrat e ministrisë tuaj”,-tha Zhupa.
