Aktualitet

Zhupa lexoi akuzën e SPAK/ Rama: Kujt ja ngre gishtin duke më recituar një akuzë?



Bëhu pjesë e Grupit Zyrtar të Opinion.al
>> KËTU <<
               Publikuar në : 21:47 - 23/02/22 |
Opi Nion

Debate të forta ka patur në Komisionin Hetimor për Inceneratorët mes kryeministrit Edi Rama dhe deputetes së PD, Ina Zhupa.

Zhupa lexoi akt –akuzën e SPAK për arrestimin e ish-ministrit, Lefter Koka dhe kaq mjaftoi që situata të agravonte dhe kryeministri Edi Rama të refuzonte t’i u përgjigjej pyetjeve të deputetes demokrate në Komisionin Hetimor për Inceneratorët.

Pjesë nga debati

Ina Zhupa: Do ju lexoj njoftim të bërë nga SPAK; Nga hetimet e kryera është provuar se në procedurën e dhënies së koncesionit dhe në lidhjen e kontratës, nuk janë kryer të plota veprimet përgatitore për dhënien e koncesionet në kundërshtim me ligjin për koncesionet si edhe në kundërshtim me nene të tjera. Nga hetimet është provuar se nuk është zbatuar procedura e rregullt ligjore për dhënien e koncesionit në kundërshtim me nenin 22.

Nëse nga kontrata është dëmtuar interesi i shtetit, ju a keni përgjegjësi që keni vënë firmën?
Edi Rama: Ju shkelët ligjin nga fillimi deri në fund për komisionin hetimor, bëtë një recitim. Ju keni kaq kohë që na thoni organizatë e strukturuar kriminale. Tani unë ju them se ju po shkelni ligjin duke na ngritur akuza penale, duke ushtruar edhe presion ndaj institucioneve të drejtësisë. Mbylle mikrofonin kur flas unë. Mbylle! Recitove akuzën e SPAK-ut, bëre akuzë penale, influencove hetimin. SPAK-u nuk është Vatikani, dhe akuzat e tij nuk janë bibla. Ajo është një akuzë që ka një proces do shkojë në gjykatë do u jepet fjala palëve. Deri në atë moment nuk keni asnjë të drejtë të recitoni akuzat e SPAK-ut. Akuzat e prokurorëve nuk janë as bibël as kuran dhe nuk merren si referencë. Ti kujt ja ngre gishtin duke më recituar një akuzë? Ule gishtin. Ajo është një akuzë që ka rrugën e vetë dhe nuk është as në tagrin tuaj dhe as në tagrin e njerëzve tuaj. Ju do kishit bërë mirë sot që të bëni më shumë përpjekje të jeni pak më të palagur nga akuza e 430 milionëve.

 Edi Rama: Zonja Zhupa e humbët mundësinë të komunikoni me mua. Kaq kisha me ju. E humbët që të keni nderin që unë të përgjigjem.

Ina Zhupa: Nëse ju besoni që një kryeministër nuk ka asnjë përgjegjësi i bie që asnjë kryeministër të mos akuzohet për korrupsion. Kryeministri nuk firmos vendim personal.

Edi Rama: Zonja Zhupa e humbët mundësinë që të keni nderin që unë të komunikoj me ju.

Ina Zhupa: A keni marrë ndonjë vendimmarrje pasi është arrestuar zoti Koka se çfarë po bëhet me koncesionet.

Edi Rama: Ju do bëni karrierë në partinë ku jeni pasi nuk keni asnjë lidhje me turpin kur formuloni recitimet tuaja. Duhet të kesh humbur…

Jorida Tabaku: Nuk më duket normale të flasësh ashtu me një deputete. Nuk më duket normale zoti Rama.

Edi Rama: Mua jo nuk më duket normale. Por mua më duket e neveritshme që pas gjithë kësaj maratone dhe atyre debateve që bëmë bashkë. Ju jeni kryetare komisioni. Tani në fund fare kjo bën një recitim sikur është në një botë tjetër. Ju do bëni karrierë sepse aty sa më shumë të recitosh nën shembullin e atij kryetarit vulëhumbur, këtë karrierë do e bësh derisa të kesh atë kryetar.

 

 

 

 

Pas