Kronikë

Zhdukja e biznesmenit italian, flet miku i tij: S’kishte pse të vetëvritej


Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 02/02/21 |
Doriana Çepunaj

Zhdukja e biznesmenit italian Davide Pecoreli vijon të jetë mister, teksa për ngjarjen po hetojnë edhe autoritetet italiane. Policia është ende në pritje të rezultateve të mjekësisë ligjore për eshtrat e gjetura në automjetin e djegur në Krujë, nëse i përkasin biznesmenit 45-vjeçar.

Por ndërkohë kjo ngjarje nuk është lënë jashtë vëmendjes së mediave italiane. Së fundmi është publikuar një intervistë e mikut të Pecorelit për mediat italiane. Ai është shprehur bashkë me mikun e tij kishin lënë që të hapnin një biznes në Umbria.

“Kemi shkëmbyer mesazhe disa herë gjatë muajit Dhjetor, ai ishte i qetë,  shpërthyes si zakonisht, optimist për biznesin që  do të zhvillonte në Shqipëri. Çfarë biznesi? Nuk e di me siguri”, ka thënë ai, pasi Pecorelli po vijonte të kërkonte një kompani, për të filluar prodhimin e mallrave me markën ‘Hairdressers Milan’ që ai më pas mund t’i eksportonte në Itali”, tha miku i tij.

Ai rrëfen se Pecorelli i kishte thënë përmes një mesazhi në WhatsApp se kishte hapur një biznes në një qendër tregtare në Vlorë, duke shtuar se më 10 janar do të kthehej në Itali. Duke folur mbi mundësinë e vetëvrasjes miku i tij shprehet dyshues.  “Le të mos bëjmë shaka , për çfarë arsyesh duhej të bënte një gjë të tillë?”, shprehet ai.

Davide Pecorelli, njihet si sipërmarrës në Itali. Por Pecorelli, ka ushtruar dhe profesionin e arbitrit. Ai ka arbitruar gjatë karrierës në Serinë C italiane, si dhe ka shërbyer si arbitër i katërt në Serinë A. Pekoreli kishte fëmijë me një shtetase shqiptare dhe prej një viti kishte nisur të investonte edhe në Tiranë./Opinion.al

Pas