Rajoni

Zhduket aeroplani në Janinë, drejtohej nga një pilot praktikant


Bëhu pjesë e Grupit Zyrtar të Opinion.al
>> KËTU <<
               Publikuar në : 18:46 - 01/02/21 |
Semiljana Azizi

Një aeroplan, i cili i përket Shkollës së Trajnimit Pilot Profesional “Egnatia Aviation”, është zhdukur ditën e djeshme në Janinë.

Mediat greke bëjnë me dije se aeroplani dy-vendësh ishte duke u drejtuar nga një pilot praktikant iraken , i identifikuar si Amar Ibrahim.

Amar Ibrahim është një nga rreth 100 pilotët praktikantë nga Iraku që aktualisht jetojnë në qytetin e Kozani, i cili ka bërë fluturimin e tij të parë i vetëm, pa pasagjer në 28 korrik 2020.

Sipas informacioneve, deri më tani nuk ka asnjë gjurmë të aeroplanit apo të personave të cilët ishin në të. Ndërkohë që kërkimet të cilat kanë filluar që prej të dielës, tashmë nuk janë të favorizuara nga kushtet meteorologjike.

Theksohet se aeroplani ka rënë pak para orës 12.30 të mesditës, në lartësinë e Drakolimni, afër fshatit Miliotades, Zagori, në një distancë prej 5-7 milje në veri të qytetit të Janinës.

Rreth 20 irakianë që ndjekin kurse trainimi në Kozani të Greqisë mbërritën në zonën e Miliotades të hënën në mëngjes herët për të ndihmuar në zbardhjen e plotë të ngjarjes.

Sipas mediave greke piloti praktikant ishte duke kryer fluturimin e fundit para se të merrte diplomën.

Njoftimi i kompanisë:

Kompania në një deklaratë të dielën vonë pasdite tha: “Ne do të dëshironim t’ju informonim se aeroplani nën regjistrim SXABP që u ngrit nga aeroporti i Kozani në 11:20 me kohën lokale, është zhdukur. Procesi i kërkimit dhe shpëtimit është aktivizuar “./Opinion.al

Pas