Pas dorëheqjes së kryeministrit Jozef Muskat, i cili është akuzuar për ndërhyrje në hetimet për vrasjen e gazetares investigative Dafne Galicia, në Maltë është zgjedhur kryeministri i ri.
Mësohet se avokati 42-vjeçar Robert Abela është zgjedhur si drejtues i Partisë së Punës në Maltë, duke u bërë automatikisht kryeministër.
Abela, i cili është djali i ish-presidentit të Maltës George Abela, do të betohet zyrtarisht ditën e hënë . Ai u zgjodh me votat e 17.500 anëtarëve të partisë së Punës, ndërsa kundërshtari i tij, Chris Fearne mori 2500 vota më pak se Abela.
Aktivist i Partisë së Punës, Abela u bë anëtar i parlamentit maltez në zgjedhjet e fundit, ato të vitit 2017. Ai do të qëndrojë në postin e Kryeministrit të vendit deri në shtator të vitit 2022.
Dorëheqja e paraardhësit të tij, Muscat erdhi për shkak të skandalit të krijuar prej vrasjes së gazetares Daphne Caruana Galizia. Ajo u vra në vitin 2017 nga një bombë, ndërkohë që po hetonte rreth korrupsionin në Maltë./Opinion.al/
