Kryeministri Edi Rama ka vijuar fushatën zgjedhore, pavarësisht vendimit të presidentit Ilir Meta.
I ndodhur në Prrenjas, Rama u shpreh pas miratimit të Rezolutës, se Meta duhet të reflektojë dhe të kërkoj ndjesë për anulimin e datës 30 qershor për zhvillimin e zgjedhjeve lokale.
Kryeministri theksoi përsëri se zgjedhjet lokale do të zhvillohen më 30 qershor, dhe këtë nuk e ndalon dot opozita apo presidenti.
“Më tha Taulanti që Presidenti kishte nxjerrë ca ekspertë që paskan thënë që ai po rishikon mundësinë e një date tjetër dhe deri atëherë kryetarët e bashkive do të rrinë në zyrë. Një tjetër pjellë e një imagjinate të dalë nga kontrolli për të çuar vijën e konfliktit matanë 30 qershorit, që është vulosur dhe nuk e ndalon dot, as Ilir, as Saliu dhe as artisti me fallxhoren. Dua ti them Ilirit, sot e filluam me të po e vijojmë me të, që ta lexojë me qetësi dhe kthejlltësi rezolutën e miratuar me 100 vota. Të reflektojë mbi opinionin e Kuvendit dhe të mos e trashë më tutje zullumin ky është futur, pasi ne dhe populli nuk ka shans të merren peng. E di që ai është në pozitë të vështirë, por nuk është burrëri që të mos reflektojë dhe të kërkojë ndjesë. Pavarësisht se nuk ka bërë një gabim, por një faj, sidoqoftë normalizon raportin e tij me fajin. Halla Sali nuk ndihmon dhe ngarkon edhe më shumë atë vetë edhe një situatë që e kanë shkaktuar ata me qëllim, por ne do të dalim pa vështirësi” tha Rama./ Opinion.al E.Xh.
