Kryesore

Zgjedhjet për kryetarët e rinj të PS, Rama: Mos kini ndroj të përfshiheni


Bëhu pjesë e Grupit Zyrtar të Opinion.al
>> KËTU <<
               Publikuar në : 19:24 - 16/05/22 |
Opi Nion

Ka nisur procesi zgjedhor brenda PS për kryetarët e rinj të degëve. Kryeministri Edi Rama, njëherësh kryetar i PS-së, ka folur sot në takimin e Këshillit koordinues të qarkut Tiranë, lidhur me riorganizimin e partisë.

Në fjalën e tij kryeministri Rama, e cilësoi përzgjedhjen e kryetarëve të rinj të partisë në 61 Bashkitë si mjaft të rëndësishëm për forcimin e strukturave të partisë dhe betejat elektorale.

“Arsyeja themelore sidoqoftë për ta zhvilluar këtë proces nuk është thjesht e natyrës organizative, por është në radhë të parë e natyrës politike. E kemi bërë këtë diskutim shpesh me njeri-tjetrin dhe mbase unë do bie në përsëritje, por për mua është një shqetësim i cili duhet adresuar nga gjithë lidershipi i partisë në të gjithë territorin sepse nuk duhet lënë në asnjë mënyrë që kryetarët e partisë në territor të jenë persona të papolitizuar ashtu siç duhet. Persona, puna e të cilëve edhe për shkak të qenit tonë në qeveri qoftë në qendër, qoftë në nivelin vendor fokusohesh në çështje të natyrës administrative dhe vendin kryesor e zë trajtimi i ankesave të njërit apo tjetrit, jam në punë, nuk jam në punë, kjo është pasojë e një periudhe shumë të gjatë kohe që ne e kemi trashëguar, por e cila duhet adresuar sepse PS nuk është absolutisht në mundësinë që ta lërë këtë inerci të vazhdojë edhe pse për hir të së vërtetës në një pjesë të madhe kemi arritur ta …qëndrueshmërinë ë administratës duke e larguar partinë nga influenca në vendimmarrje. Ka vazhduar dhe për shkak të aleatit tonë. Sidoqoftë ne e kemi larguar nga influenca gjithë trupën e mësuesve, trupën e infermierëve sepse për trupën e mjekëve gjithsesi nuk ka qenë një sfidë e njëjtë si me rastet e tjera. Jemi në një situatë qëndrueshmërie ku faktikisht ndikimi i pamundësisë për të ndërhyrë dhe për të vazhduar të njëjtin avaz e bën dhe më të pakuptimtë dhe më të kotë dhe më dëmtues rolin e atyre kryetarëve të partisë që u ka mbetur po atje”,-tha Rama./Opinion.al

Pas