Kronikë

Atentati në Durrës, Kërtusha: Autori kishte dy pistoleta, njëra iu bllokua


Bëhu pjesë e Grupit Zyrtar të Opinion.al
>> KËTU <<
               Publikuar në : 19:45 - 16/05/22 |
Opi Nion

Të tjera detaje janë mësuar lidhur me atentatin me armë zjarri të bërë në Durrës ndaj ish-kandidati për kreun e PS në Durrës, Ardit Kërtusha.

Kërtusha, i cili mbeti i plagosur, mohon që ngjarja të ketë ndodhur për motive banale apo konflikt të çastit duke deklaruar se ishte atentat i mirëfilltë që do kryhej nga vrasës me pagesë.

Kërtusha tregon se autori ka patur dy pistoleta, ndërsa kishte vënë një maskë që përdoret për tu mbrojtur nga  COVID, syze dhe kapele.

Sipas tij, ai ka qëlluar me një pistoletë fillimisht, por pas një qitje ajo është bllokuar duke i lënë kohë Kërtushës të largohej, por autori ka nxjerr një tjetër pistoletë nga çanta dhe e ka ndjekur duke e lënë të plagosur në këmbë.

 “Nga jashtë lokalit ka ardhur një djalë i ri, i cili mbante në fytyrë një maskë anti-covid, me syze të errëta dhe kapele në kokë. Sapo është afruar tek tavolina ku isha, atentatori ka nxjerrë një pistoletë dhe qëlloi në drejtimin tim. Por, pistoleta u bllokua pasi ka qëlluar vetëm 1 herë, ndërsa atentatori futi dorën në një çantë që mbante me vete, nga ku nxori një pistoletë të dytë. Unë u largova me shpejtësi sapo pash që pistoleta u bllokua. Ai më ndoqi dhe qëlloi edhe dy herë të tjera. Një prej plumbave më kapi në këmbë. Është e paqartë se përse Policia e Durrësit nxitoi të shpërndante një mjegullnajë për dinamikën e ngjarjes, duke e konsideruar si një “konflikt të çastit”,-deklaroi Kërtusha.

Ardit Kërtusha është një personazh i njohur i jetës politike në Durrës. Ai ka qenë kryetar i Forumit Euro-socialist Shqiptar (FRESH) për disa vite, ndërkohë që pak kohë më parë kandidoi për kryetar të Partisë Socialiste në Durrës.

Pas përplasjeve politike brenda socialistëve, Kërtusha u bashkua me forcat opozitare të drejtuara nga Lulzim Basha. Kërtusha ka akuzuar publikisht zyrtarë e ish-zyrtarë të rëndësishëm socialistë për abuzim me pushtetin.

Kërtusha thotë se edhe më herët ka marrë kërcënime për shkak të denoncimeve dhe ka dorëzuar kallëzime penale në Prokurorinë e Durrësit.

Pas