Në një dalje për mediat Kryetari i Komisionit Zgjedhor në PD, Emin Gjana është shpehur se deri në orën 16:00 ka votuar 44% e anëtarësisë.
Ndërkohë që votimi për kryetarin e PD mbyllet në orën 19:00, Gjana shpjegoi edhe rastet e anëtarëve që nuk e kanë patur emrin në listat e votuesve.
“Në përgjithësi janë lejuar ato që kanë kartën e anëtarësisë, pa i penguar. Pash një Konjari se ishte e pezmatuar se nuk ka gjetur emrin në listë, është e vërtetë për efekt të përpunimit në sistemet e IT të emrave, nëse nuk rezulton në listë por disponon kartën e anëtarësie mund të votosh. Janë pengesa lëvizje të paqëllimshme, duke qenë të paqëllimshme kemi krijuar një hapësirë tjetër në lëvizje”, tha Gjana.
Ndërkohë i pyetur lidhur me daljen e rezultateve dhe shpalljen e fituesit Gjana tha: Një të dhënë operative do ta kemi tek 3-4 orë pas mbylljes së votimit. Do presim deri nga mesnata degët që janë afër, të presim materialet, degët që janë shumë larg, Tropoja, Saranda, Kolonja, etj. do i presim t’i sjellin nga orët e para të mëngjesit. Porosia është që t’i shoqërojë kryetari i komisionit dhe cilido nga përfaqësuesit e kandidatëve. Nesër paradite del fituesi. Orën nuk e jap dot’’./Opinion.al
