Presidenti i Kosovës, Hashim Thaçi ka vlerësuar procesin zgjedhor në Kosovë. Në një reagim në Facebook, tashmë që numërimi pothuajse ka përfunduar, Thaçi ka kërkuar që e njëjta pjekuri e treguar gjatë zgjedhjeve të tregohet edhe në formimin e qeverisë.
Presidenti i Kosovës ka preferuar të bëjë një urim të përgjithshëm për qytetarët pa përmendur subjekte politike konkrete.
“I uroj qytetarët e Republikës së Kosovës dhe partitë politike për zgjedhjet shembullore, për votimin e dinjitetshëm, të lirë dhe demokratik. Kosova dëshmoi edhe një herë pjekuri të lartë politike dhe demokratike. Tash të njëjtën pjekuri politike duhet ta tregojmë edhe në formimin e qeverisë së re, sa më parë dhe në përballje me sfidat e menjëhershme që e presin Kosovën. HTH” shkruan Thaçi. /Opinion.al
