Aktualitet

Zgjatja e vettingut/Maxhoranca i drejtohet Komisionit të Venecias,Xhafaj abstenon


Bëhu pjesë e Grupit Zyrtar të Opinion.al
>> KËTU <<
               Publikuar në : 15:27 - 05/11/21 |
Opi Nion

Është mbledhur ditën e sotme Këshilli i Legjislacionit ku po diskutohet për zgjatjen e afateve të vetingut.

Maxhoranca ka vijuar me mbledhjen, pavarësisht se opozita ka bojkotuar seancën dhe nuk ka qenë e pranishme.

Kryetarja e Këshillit, Lindita Nikolla bëri me dije se më procesin e punimeve të këtij Këshilli do të ndihmojnë me opinion edhe SHBA dhe BE.

“Anëtarët e Partisë Demokratike nuk janë prezentë,” tha Kryetarja e Kuvendit Lindita Nikolla. Sakaq, me propozim të deputetes së LSI, Erisa Xhixho, u caktua si eksperte Silva Caka.

Ndërkohë në mbledhjen e sotme u vendos që maxhoranca do i drejtohet Komisionit të Venecias lidhur me propozimin e bërë nga vetë ata për zgjatjen e afateve të organeve të vettingut.

Deputetët e PS votuan që t’i drejtohen për opinion ‘Venecias’ ndërsa i vetmi që abstenoi ishte deputeti socialist Fatmir Xhafaj, i cili u shpreh se i qëndron deklaratave të bëra në mbledhjen e parë të këshillit.

“ Vijoj t’i përkas bindjes se i gjithë ky proces që kemi ndërtuar përmes këtij kalendari intensiv duhet të na çojë në një analizë të plotë shteruese të procesit të vettingut në këta 5 vjet, si domosdoshmëri nga njëra anë për të argumentuar drejtësinë e procesit në tërësi dhe nismës për zgjatjen e afatit në vecantë. Dhe për të ndihmuar debatin lidhur me akuzat që i bëhen projektit dhe procesit në tërësi nga kundërshtarët e tij. Besoj fort, se nëse arrijmë të krijojmë një kuadër të plotë të ecurisë së procesit do mund të shkojmë edhe në zgjidhjen e duhur në përfundim të vendimmarrjes kushtetuese. Kam përgatitur një tërësi pyetjesh që unë besoj mund të ndihojmë ekspertizën e thirrur nga ky komision, por edhe ekspertiza ndërkombëtare.”-tha Xhafaj.

Kujtojmë se opozita braktisi edhe mbledhjen e kaluar për shkak se nuk bie dakord me maxhorancën dhe kërkon që 3 propozimet e tyre për Vettingun e politikanëve, reformën zgjedhore dhe asaj territoriale të diskutohen bashkë me zgjatjen e afateve të Vettingut./Opinion.al

Pas