Presidenti i Ukrainës, Volodymir Zelensky ditën e sotme zhvilloi një takim me presidentin turk Rexhep Tayip Erdogan si edhe sekretarin e Kombeve të Bashkuara Antonio Guterres në Lviv.
Takimi kishte në fokus eksportet e grurit, luftimet pranë termocentralit bërthamor Zaporizhzhia , ndërsa u fokusuan edhe tek një zgjidhje diplomatike e luftës.
Presidenti ukrainas vuri në dukje se OKB duhet të garantojë sigurinë e termocentralit bërthamor, si edhe çlirimin e plotë nga trupat ruse. Ndërkohë që sulmet dhe bombardimet ruse në vend nuk kanë të ndalur.
Nga ana tjetër, Ministria e Jashtme e Rusisë ka thënë se Moska do të përdorë arsenalin e saj bërthamor vetëm në rrethana emergjente, dhe se sipas saj nuk ka në interes një konfrontim të drejtpërdrejtë me NATO dhe SHBA./Opinion.al
