Alban Limani, lideri i grupit të famshëm “Asgjë Sikur Dielli”, ka reaguar lidhur me flamurin me yllin komunist të shfaqur gjatë performancës së mbrëmshme në “Sunny Hill” festival.
Limani, ka sqaruar përmes një statusi në “Facebook” se ylli i shfaqur në klipin e këngës së tyre nuk ka të bëjë me glorifikimin e komunizmit, përkundrazi, shton ai sikurse edhe në tekstin e këngës dhe në klipin që e shoqëron atë, shembet komunizmi.
“Videoklipi i këngës “Ku ka më mirë se me qenë shqiptar?” është publikuar në vitin 2005 dhe është një parodi e stilit Monty Python, ku trajtohen ngjarjet dhe figurat historike nga antikiteti deri në ditët e sotme, në mënyrë surrealiste dhe ironike.
Shfaqja e flamurit kombëtar me yll, nuk ka të bëjë me glorifikimin e komunizmit, përkundrazi, në videoklip shembet komunizmi.
Ne jemi shumë koshient për persekutimet, krimet dhe vuajtjen që e ka shkaktuar komunizmi në Shqipëri, sepse edhe i përkasim familjeve të persekutuara
It’s only Rock n’Roll”-shkruan Alban Limani.
