Te Fundit

Ujësjellësi i Memaliaj, PL: Nisën punimet pa u shpallur fituesi i tenderit



Bëhu pjesë e Grupit Zyrtar të Opinion.al
>> KËTU <<
               Publikuar në : 13:07 - 29/08/22 |
Opi Nion

Kreu i Partisë së Lirisë, Ilir Meta dhe deputeti Petrit Vasili, në një konferencë për mediat kanë denoncuar këtë të hënë projektin e ujësjellësit të Memaliaj.

Teksa nxjerr një video kur kryeministri Rama inaguron këtë ujësjellës deputeti i Partisë së Lirisë, Petrit Vasili thotë se kreu i qeverisë pak ditë para zgjedhjeve të 25 prillit, ka deklaruar nisjen e punimeve, para se të lidhej kontrata me kompaninë fituese të tenderit.

“Do denoncojmë mënyrën se si shpërdorohen e vidhen e trajtohen si pronë personale paratë dhe miliona euro të qytetarëve të thjeshtë.

Bëhet fjalë për ujësjellësin e Memaliaj dhe fshatrat, një investim 4 miliardë e 800 milionë lekë të reja, që në 7 prill u bë publik pak ditë para fushatës elektorale të zgjedhjeve të 25 prillit.

Tenderi përkatës, në realitet, kryeministri siç dihet grabitqar dhe hajdut shkon të inagurojë një investim që nuk është tenderuar akoma.

Vërtetohet me dokumentet e agjencisë së Prokurimit Publik, skandali e pjesa më e rëndë, tenderi, fituesi shpallej në 9 prill kurse kryeministri që në datën 7 prill, pa e ditur kush do fitonte ka vajtur ka nisur punimet.

Kontrata është lidhur më 9 qershor, dy muaj e gjysmë më vonë. Pra tenderat janë zero, paratë ndahen në tavolinë që para se ju e shikoni që procedurat s’kanë filluar e kontrata s’është lidhur. Dy muaj e gjysmë para deklarojnë kemi lidhur kontratë ndërkohë që kontrata u lidh dy muaj e gjysmë më mbrapa’, tha Vasili.

Pas