Përplasja mes Presidencës dhe Qeverisë në emër të Kushtetutës, ka bërë që ngritja e Gjykatës Kushtetuese të jetë një tjetër “molla e sherrit” mes palëve.
Në një dalje për mediat, Meta ka folur se përse Marsida Xhaferrllari është rrëzuar në vitin 2010 nga Partia Demokratike, kur ajo kandidoi për kryetare të Komisionit Qendror të Zgjedhjeve.
Presidenti rrëfeu, se Xhaferrllari nuk u zgjodh në krye të KQZ-së, pasi Partia Demokratike nuk e konsideronte atë si një person të besueshëm.
Në lidhje me Arta Vorpsin, Meta tha; Për zonjën Vorpsi kam patur një vërejtje, ose një rezervë sepse ka qenë anëtare e Grupit të Ekspertëve të Lartë të Reformës në Drejtësi, për Gjykatën Kushtetuese. Kur jemi marrë me çështjen e ligjeve, është deklaruar që këta ekspertë, për të evituar konflikt interesi, nuk do të merren në konsideratë, kur të ndërtohen këto institucione. Ishte një marrëveshje xhentëllmenësh por edhe publike, e njëjta gjë ka qenë edhe për Gjykatën Kushtetuese edhe për institucione të tjera.”
Pjesë nga fjala e Metës
Për Xhaferllarin dy gjëra do t’i them sinqerisht. Unë kam preferuar zonjën Xhaferllari për një arsye të thjeshtë se kam qenë i bindur në integritetin e saj dhe e ka treguar integritetin e saj. Ajo e ka treguar integritetin e saj sepse ka respektuar frymën e Kushtetutës më mirë se kushdo tjetër duke kandiduar vetëm për një vakancë. Mund të kishte kandiduar edhe për dy vakanca nëse do të duhej të ishte që Presidenti do të zgjidhte atë, por respektoi frymën e Kushtetutës.Për zonjën Vorpsi kam patur një vërejtje, ose një rezervë sepse ka qenë anëtare e Grupit të Ekspertëve të Lartë të Reformës në Drejtësi, për Gjykatën Kushtetuese. Kur jemi marrë me çështjen e ligjeve, është deklaruar që këta ekspertë, për të evituar konflikt interesi, nuk do të merren në konsideratë, kur të ndërtohen këto institucione. Ishte një marrëveshje xhentëllmenësh por edhe publike, e njëjta gjë ka qenë edhe për Gjykatën Kushtetuese edhe për institucione të tjera. Një nga arsyet e pikëzimit që ka bërë KED, se në fund të fare e kemi parasysh kush e drejton, është e mbështetur në faktin që në këtë ligj i është dhënë përparësi këshilltarëve që punojnë në Gjykatën Kushtetuese, që në vlerësimin tim është një konflikt interesi. Ndërsa për zonjën Xhaferllari, meqë kam dëgjuar se për ndikimin e saj nga PD, ndikuar shumë nga PD, dua t’ju kujtoj një fakt që zonja Xhaferllari ka qenë kandidate për kryetare e KQZ, në vitin 2010 apo 2011, kur unë isha në koalicion me doktorin, dhe e di shumë mirë se PD dhe koalicioni që drejtohej nga PD në atë kohë, nuk e ka votuar zonjën Xhaferllari, e ka rrëzuar sepse nuk vlerësohej si njeri i besueshëm, aq sa duhej për partinë në atë kohë./ Opinion.al
