Prej 14 vitesh ajo duhet të rruante fytyrën çdo ditë për shkak të një sindrome të rrallë e cila i shkaktonte zhvillim të madh të qimeve në pjesë të ndryshme të trupit, përfshirë edhe fytyrën. Nova Galaxia është një 26-vjeçare e cila tashmë u bën thirrje të gjitha femrave që vuajnë nga kjo sindromë, të mos kenë turp nga pamja e tyre. Nova po promovon në rrjetet sociale krenarinë që ndjen për mjekrrën që ka në fytyrë. Ajo ka hequr dorë nga heqja e saj çdo ditë, dhe ka vendosur të jetojë së bahsku me të.
Ajo gjithashtu ka lyer flokët e kuqe, në mënyrë që të përshtaten me mjekrrën e saj. Sigurisht komentet kanë qenë të shumta, por vajza e cila është shndërruar në një blogere, ka vendosur të mos e vrasë mendjen për opinionin e të tjerëve, dhe aspiron të kthehet në frymëzim për të tjera femra si ajo.
