Vetëdorëzohet në polici autori që ekzekutoi 62-vjeçarin, Haxhi Baçinozit. Ngjarja ndodhi në 16 mars tek Liqeni Artificial. Sipas policisë së Tiranës 61-vjeçari, Islam Myrtaj, nga Fieri, i preu rrugën ish-të përndjekurit politik që ishte duke bërë vrap me djalin e mitur dhe e qëlloi.
Krimi, nga hetimet e deri tanishme, është kryer për një borxh që autori i dyshuar i kishte viktimës.
I lindur në 2 korrik të vitit 1957, në fshatin Radostinë të Fierit, Haxhi Baçinozi u dënua dhe nga sistemi komunist. Në moshën 25-vjeçare, më 30 janar 1982, Gjykata Ushtarake e Tiranës e dënoi me 10 vjet heqje lirie dhe humbjen e së drejtës elektorale për 5 vjet kohë për “agjitacion e propagandë”.
Ai u dënua sërish më 3 qershor 1984, kësaj radhe me 21 vjet heqje lirie dhe humbjen e së drejtës elektorale për 5 vjet kohë për “veprën e terrorit në bashkë-punim”./Opinion.al
