Partia qeverisëse e Hungarisë, Fidesz është pezulluar nga familja kryesore partiake e qendrës së djathtë pan-evropiane deri në një njoftim të mëtejshëm, tha të mërkurën presidenti i Partisë Popullore Evropiane, Joseph Daul.
Vendimi, i marrë nga votat e delegatëve nga partitë anëtare që u takuan në Bruksel, vjen pas thirrjeve të shumta drejtuar partisë së kryeministrit hungarez, Viktor Orban, për të qenë të disiplinuar lidhur me shkeljet e supozuara të parimeve të ligjit.
“Pezullimi nënkupton: nuk ka frekuentim në asnjë mbledhje partiake, nuk ka të drejta votimi, nuk ka të drejtë të propozojë kandidatë për postet,” tha presidenti i PPE Joseph Daul në një status Twitter.
Orban, një nacionalist i flaktë, i cili shpesh është ndeshur me Bashkimin Europian mbi fushatat e anti-imigracionit dhe reformat gjyqësore, u tha delegatëve të PPE-së se partia e tij nuk mund ta pranonte atë propozim.
Sipas një dokumenti të parë nga Reuters, vlerësimi do të bëhet nga një komitet i kryesuar nga ish kreu i Këshillit Evropian, Herman Van Rompuy.
“Si një familje politike nuk duhet vetëm të kemi parime dhe të flasim për vlerat, por duhet të udhëheqim edhe me shembujt”, tha dokumenti.
Kreu i Komisionit Europian, Jean-Claude Juncker dhe 13 partitë simotra në PPE kanë bërë thirrje për dëbimin e Fideszit, por Annegret Kramp-Karrenbauer, kreu i Kristian Demokratëve të Gjermanisë, propozoi një kompromis përpara takimit. Kramp-Karrenbauer mori pjesë personalisht në mbledhjen e së mërkurës për t’u konfirmuar delegatëve se partia e saj, më e madhe në PPE, do të mbështeste pezullimin e Fidesz.
Shefi i stafit të Orbanit sinjalizoi se për ta më e lehtë do të ishte që Fidesz të linte PPE-në sesa të pezullohej anëtarësimi i saj, duke thënë se kjo ishte një çështje e “dinjitetit” kombëtar.
Vendimi i Orban dhe Kramp-Karrenbauer për të marrë pjesë personalisht në atë që normalisht do të ishte një takim administrativ rutinë nënvizoi se sa të rëndësishmë janë veprimet.
Çështja e Fideszit përbën një sfidë veçanërisht të vështirë për Weber. Shanset e tij për të pasuar Juncker si kreu i Komisionit ekzekutiv do të reduktohen pa votat e ligjvënësve evropianë të Fidesz, prej të cilëve aktualisht ka 12.
Të mërkurën Juncker, i cili është gjithashtu nga EPP, përsëriti thirrjen e tij që Fideszin të dëbohej nga grupi.
Juncker ishte objektivi i një fushate posterash të qeverisë hungareze që e përshkruante atë si një përkrahës të emigracionit masiv në Evropë dhe si një kukull të manipuluar nga filantropisti hungarez-amerikan miliarder George Soros.
Grupimi i EPP, më i madhi në Parlamentin Evropian, është gjithashtu i shqetësuar për fushatën e Orban kundër Universitetit privat qendror evropian në Budapest që ka themeluar Soros./Opinion.al
