Kronikë

Vrasje në tentativë dhe plagosje e rëndë,ekstradohen drejt Shqipërisë dy persona



Bëhu pjesë e Grupit Zyrtar të Opinion.al
>> KËTU <<
               Publikuar në : 13:00 - 21/07/22 |
Opi Nion

Dy shqiptarë të shpallur në kërkim ndërkombëtar janë ekstraduar nga Greqia drejt Shqipërisë.

Bëhet fjalë për shtetasit Qani Shehu, 44 vjeç, lindur në Mallakastër dhe Albano Zepaj, 39 vjeç banues në Vlorë.

Sipas njoftimit të policisë, Qani Shehu ishte shpallur në kërkim ndërkombëtar pasi ishte dënuar me 8 vite burg nga Gjykata e Tiranës për veprën penale “Vrasja” e mbetur në tentativë dhe “Prodhimi dhe mbajtja pa leje e armëve dhe e municioneve luftarake”. Në 2013 Shehu kishte plagosur me armë shtetasin L.L.

Ndërsa, Albano  Zepaj ishte shpallur në kërkim ndërkombëtar pasi ishte dënuar me 5 vjet e 4 muaj burgim për veprat penale “Plagosja e rëndë me dashje” dhe “Prodhimi dhe mbajtja pa leje e armëve dhe e municionit luftarak”.

Ndërkohë, Policia Kufitare Rinas ka vënë në pranga me qëllim ekstradimi shtetasin Kinez L.C.,32 vjeç.

“Gjatë procedurave të regjistrimit, në hyrje të RSH-së, ky shtetas ka paraqitur një pasaportë kamboxhiane. Pas verifikimeve nga Policia, ky shtetas rezultuar person në kërkim ndërkombëtar nga Interpol Pekini/Kinë, pasi autoritetet gjyqësore kineze i kanë caktuar masën e sigurisë “Arrest në burg”, për veprën penale “Mashtrimi”, parashikuar nga Kodit Penal kinez.
Në bashkëpunim me autoritetet ligjzbatuese kineze, vijon puna për ekstradimin e këtij shtetasi”-njofton policia.

 

Pas