Kronikë

Vrasja në Rrëshen, Policia: 5 milionë lekë për këdo që jep informacion


               Publikuar në : 08:54 - 26/02/20 |
Opi Nion

Fatmir Kolecaj, personi i cili mbrëmjen e djeshme ekzekutoi ish-bashkëshorten dhe vëllain e saj në Kodër Rrëshen, ende nuk është arrestuar. Viktimat janë identifikuar si Vledison Filopati dhe motra e tij Esmeralda Filopati.

Ditën e sotme Policia ka publikuar foton e tij, ndërsa ka vënë dhe një shpërblim prej 5 milionë lekësh për çdo person që jep informacion për vendndodhjen e 47-vjeçarit.

Ngjarja dyshohet se ka si motiv zgjidhjen e martesës së çiftit 3 vite më parë ndërkohë që mësohet se Kolecaj ka qenë i ndaluar edhe më parë për dhunë në familje.

Vledison Filopati kishte pak ditë që kishte ardhur nga Italia. Kur Fatmir Kolecaj ishte paraqitur në derën e shtëpisë së familjes Filopati ai kishte dalë i parë për tu përballur me të.

Pas një konflikti verbal aty kishte dalë edhe Esmeralda, por në këtë moment Fatmir Kolecaj ka qëlluar me armë zjarri ndaj vëllait dhe motrës duke i lënë të vdekur.

Mësohet se ai kishte shkuar në shtëpinë e saj për të marrë 3 fëmijët që ata kishin patur nga lidhja e tyre por që Gjykata ia kishte lënë Esmeraldës në kujdestari./ Opinion.al

Pas