Në kohën kur vrasja e të miturit 8-vjeçar Mateo Vasiu nga fqinji i tij Klodian Çalamani tronditi mbarë opinion publik, Ministrja e Shtetit për Rininë dhe Fëmijët Bora Muzhaqi, ka refuzuar të flasë sot kur është pyetur nga gazetarët nëse ka një koment për ngjarjen tronditëse.
Muzhaqi iu është shmangur pyetjes së gazetarëve të cilët e kanë pyetur nëse janë marrë masa konkrete në lidhje me rastet e abuzuara por është shprehur se ” është vonë dhe i duhet të lëvizë.
Pyetje: Çfarë masash konkete janë marrë në lidhje me rastet e abuzuara?
Ministrja: Unë jam shumë vonë dhe më duhet të lëviz, ju kërkoj shumë ndjesë.
Pyetje: Dy minuta kohë ju marrim.
Ministrja: Mirë u pafshim ditë të mbarë
Pyetje: Dhe kjo është përgjigja juaj si drejtuese e institucionit?
Ministrja: Institucioni im nëse do kishit lexuar VKM që përcakton përgjegjësitë e mia do e kishit kuptuar edhe përgjigjen.
Vrasja e 8-vjeçarit ndodhi dy ditë më parë, Klodian Çalamani pasi e rrëmbeu, e goditi me kazmë në kokë të miturin, dhe trupin e pajetë të tij e groposi në oborr. Lidhur me ngjarjen ka reaguar edhe opinioni publik . Mijëra njerëz sot kanë mbledhur firmat për një peticion ku kërkojnë rikthimin e dënimit me vdekje dhe varjen e Klodian Çalamenit. Ndërkohë Gjykata vendosi masën “arrest me burg” për autorin.
