Presidenti i Kosovës, Hashim Thaçi ka patur mbrëmjen e djeshme një bisedë të gjatë telefonike me Presidentin serb, Aleksander Vuçiç. Ky është komunikimi i parë mes dy drejtuesve të shteteve pas vrasjes së politikanit serb në Mitrovicë, Oliver Ivanoviç. Kërkesa kryesore e Vuçic mësohet se ka qenë pjesëmarrja e Serbisë direkt në hetimet e vrasjes. Duket se Thaçi është treguar bashkëpunues por pa dhënë ‘OK’ të drejpërdrejt Vuçiç për këtë kërkesë. Sipas njoftimit për mediat të Presidencës, Thaçi është shprehur: “Organet kompetente të Republikës së Kosovës janë të gatshëm që në përputhje me legjislacionin në fuqi të bashkëpunojnë dhe të pranojnë çfarëdo ndihme, e cila mund të çojë drejt zbardhjes së kësaj vrasjeje”.
“Ajo çfarë është kryesore në gjithë këtë çështje, është zbulimi i kryesve të kësaj vrasjeje”, nënvizuan dy presidentët.
/Opinion.al
