Kronikë

Vrasja e ish-policit, disa të shoqëruar, ende asnjë gjurmë e autorëve


Bëhu pjesë e Grupit Zyrtar të Opinion.al
>> KËTU <<
               Publikuar në : 09:35 - 02/11/21 |
Opi Nion

Një ditë pas vrasjes së ish-policit, Xhelal Reçi, në qytetin e Laçit mësohet se policia ka shoqëruar disa persona që mund të kenë djeni për ngjarjen, por pa rënë ende në gjurmët e autorëve.

Gjithashtu forcat speciale kanë ushtruar kontrolle në disa zona të Kurbinit, por pa arritur të gjejnë atentatorët apo dhe armen e krimit.

Dyshohet se Xhelal Reçi është ekzekutuar për shkak të të birit, Besnikut. Kjo është edhe pista kryesore ku autoritetet po hetojnë.

Policia po krijon lidhjet me atentatin e dështuar për eleminimin fizik të Besnik Reçit një viti më parë. Bëhet me dije se Besniku njihej si një person tejet problematik. Ai kishte krijuar konflikte me shumë persona në Laç e më gjerë, ndërsa i ati, Xhalali, njihej si njeri i urtë dhe i qetë.

I biri, që prej kohës që i është bërë atentati, ka qëndruar pothuajse i fshehur dhe nuk ka lëvizur në ambiente të hapura, për shkak të frikës se mund ta vrisnin. I ati, me eksperiencën e ish-policit është munduar disa herë për të shuar problemet e të birit, ka ndërhyrë tek personat me të cilët ka pasur probleme por mesa duket nuk ia ka dalë, pasi mbeti i vrarë mëngjesin e sotëm në afërsi të bizneseve të tij.

Vetëm pak kohë pas vrasjes një makinë e djegur e gjet disa kilometra larg vendit të ngjarjes që dyshohet se u përket autorëve. Në këtë makinë rezultuan targa greke të mbivendosura, ndërsa vetë makina ishte e vjedhur para një muaj në Mbrostar të Fierit. /Opinion.al

Pas