Rrok Pepaj, babai i Danjel Pepajt autori i vrasjes së Vilson Çutaj dhe Klement Pepaj, është lënë në burg pasi akuzohet për dhënie të dëshmisë së rreme dhe bashkëpunëtor në kultivimin e kanabisit.
Dy të rinjtë në Malësinë e Madhe u gjetën të vdekur pasi ishin zhdukur prej disa ditësh.
Në seancën e sotme, Rrok Pepaj mohoi të kishte dijeni për ngjarjen si dhe për parcelat me kanabis, të cilat dyshohet të jenë shkaku i gjithë tragjedisë së ndodhur një javë më parë.
Rrok Pepaj ka thënë se nuk ka dijeni për parcelat me kanabis duke u shprehur se merrej me mbledhjen e boronicave.
Djali i tij, Danjel Pepaj ndodhet ende në kërkim pasi dyshohet si autori i vrasjes së Klement Pepaj dhe Vilson Çutajt. Këta të dy dyshohet se kanë rrahur Danjel Papajn pasi ky i fundit i kishte vjedhur parcelat me kanabis. Por ndërkohë që ata ecnin drejt vendit ku dyshohet se ishte fshehur kanabisi i vjedhur, Danjeli ka qëlluar me armë Vilsonin dhe Klementin duke i vrarë dhe më pas ka fshehur trupat e tyre.
Familja e Rrok Pepajt është ngujuar në banesën e tyre nga frika e ndonjë hakmarrjeje të mundshme./ Opinion.al
