Janë dorëzuar në polici edhe 4 personat e tjerë të cilët ishin shpallur në kërkim pasi kanë qenë të pranishëm në lokalin ku u vra 27-vjeçari Mehmet Qema, i njohur edhe me pseudonimin “Tallman”, mbrëmjen e djeshme në lagjen 5 maji në kryeqytet.
Tv Klan raporton se në polici janë vetëdorëzuar Erlind Peka, Bralid Agën, Blerim Hotin e Xhuljano Koçin, të akuzuar për moskallëzim krimi dhe veprime që pengojnë zbardhjen e së vërtetës.
Më herët, pas negociatave me familjarët dhe policinë, u vetëdorëzua edhe autori Marius Dema 28 vjeç, si dhe Frenkli Myftari, i cili ishte gjithashtu pjesë e së njëjtës tavolinë dhe akuzohet për moskallëzim krimi.
Në dëshminë e dhënë para uniformave blu, Dema ka treguar se armën e kishte gjetur vetë viktima dhe se e kishte çuar në tavolinën ku ishin të gjithë bashkë.
Dema është shprehur se gjithçka ka ndodhur nga pakujdesia dhe se armën e kishte marrë për të luajtur dhe se po ua drejtonte shokëve me shaka, teksa shtoi se nuk e dinte që kishte plumba brenda.
Viktima ishte ulur mbrëmë në tavolinat e jashtme të një lokali, së bashku me 5 djem të tjerë, ku kanë qëndruar në shoqërinë e njëri-tjetrit për disa orë, ku dhe ndodhi ngjarja./Opinion.al
