Presidentja e Komisionit Evropian, Ursula von der Leyen, ka mbërritur ditën e sotme në Krujë, teksa ka bërë gjithashtu edhe përurimin e një shkolle filloreje në Qerek, e rindërtuar me financime nga BE.
Pasi zbuluan memorialin e vendosur në pjesën qendrore të shkollës, Presidentja e KE von der Leyen, u fut nëpër klasa dhe nisi të vizitonte fëmijët.
“Mirëmëngjesi të gjithëve. Doja të shikoja shkollën, por edhe kopshtin. Qenka e mrekullueshme të shohësh se çfarë është ndërtuar deri më tani. Mendoj që ky është një simbol i mirë i kësaj miqësie që ne kemi, mes BE dhe Shqipërisë, por do të jetë dhe simbol i të ardhmes”, tha Von der Leyen./Opinion.al
