Pezullohet lundrimi detar në Vlorë nga përkeqësimi i kushteve atmosferike. Fuqia e erës arrin deri në 15-20 metra për sekondë, ndërsa dallgëzimi në det të hapur arrin deri në 7-8 ballë. Për shkak të motit të rënduar nuk do të ketë lundrim të tragetit drejt Italisë, në linjën Vlorë-Brindizi gjatë ditës, ndërkohë që është pezulluar dhe lundrimi i anijeve të peshkimit.
Ndërsa Drejtoria e Përgjithshme Detare në Durrës informon lundërtarët, pronarët e mjeteve detare, operatorët në portet shqiptare dhe hapësirën detare, që të bejnë kujdes. Sipas autoriteteve, bregdeti ynë do të përfshihet nga erëra me shpejtësi deri 20 metër për sekondë nga drejtimi jug-jugperëndim, ndërsa forca e detit pritet të arrijë 7-8 ballë.
Ndërkohë është kërkuar pezullimi i lundrimit të anijeve tregtare, si dhe ato të sektorit të peshkimit. Ndërsa tragetet do të vijojnë lundrimin në varësi të kushteve atmosferike deri në një urdhër të dytë./abcnews.al
