Bashkëshortja e pronarit të ndjerë të televizionit “Top Channel”, Dritan Hoxhës ka humbur gjyqin kundër dy ortakëve Albert Cino dhe Aurel Baçi.
Në këtë çështje, Vjollca Hoxha pretendonte kthimin e 60% të aksioneve që zotërojnë Cino dhe Baçi pasi kalimi i tyre ishte bërë pa firmën e saj.
Hoxha, e cila u zgjodh administratore e televizionit pas shkarkimit të Enkelejd Jotit ka në zotërim bashkë me katër fëmijët e saj, 40% të aksioneve të televizionit.
Pas shkarkimit të Jotit, hoxha u bë ligjërisht administratore duke u regjistruar edhe në Qendrën Kombëtare të Regjistrimit dhe ngriti padi ndaj dy aksionerëve të tjerë.
Por kjo solli kundërpërgjigjen e tyre, të cilët në vendim paralele e shkarkuan Hoxhën si administratore.
Hoxha e dërgoi çështjen në Gjykatën e Tiranës dhe e fitoi gjyqin e ndërmjetëm. Gjykata vendosi ta pezullojë vendimin e ortakëve dhe deri sa çështja të shqyrtohej në themel, Top Channel do të drejtohej nga Vjollca Hoxha.
Ndërkohë vendimi i sotëm i Gjykatës së Tiranës nuk e njeh atë si poseduese të 100% të aksioneve të “Top Channel”.
Gjykata e Tiranës
V E N D O S I
- Rrezimin e padise se paleve paditese Vjollca Hoxha, Lorela Hoxha, Sara Hoxha, Redia Hoxha dhe Itan Hoxha, si te pabazuar ne ligj dhe ne prova.
- Heqjen e mases se sigurimit te padise te vendosur me vendimin Nr.5059 akti, date 05.02.2016 te Gjykates se Rrethit Gjyqesor Tirane.
- Garancia e dhënë sipas nenit 202 të Kodit te Procedures Civile, me vendimin Nr.5059 akti, date 05.02.2016 te Gjykates se Rrethit Gjyqesor Tirane, i kthehet paleve paditëse, në rast se palet e paditura brenda pesëmbëdhjetë ditëve, pasi vendimi të ketë marrë formën e prerë, nuk do te paraqese padine për shpërblimin e dëmit të ardhur për një shkak të tillë.
- Shpenzimet gjyqesore ne ngarkim te te paleve paditese Vjollca Hoxha, Lorela Hoxha, Sara Hoxha, Redia Hoxha dhe Itan Hoxha. 5. Kunder ketij vendimi lejohet ankim brenda 15 diteve nga dita e neserme e shpalljes se vendimit ne Gjykaten e Apelit Tirane. U shpall ne Tirane, sot me date 09.05.2016
