Aktualitet

Vjedhje e votave në Durrës/ SPAK e shpall të pafajshëm, Këlliçi: Rama i vodhi zgjedhjet



Bëhu pjesë e Grupit Zyrtar të Opinion.al
>> KËTU <<
               Publikuar në : 15:16 - 24/10/22 |
Opi Nion

Deputeti i Partisë Demokratike Belind Këlliçi ka bërë me dije se SPAK i ka dhënë pafajësinë lidhur me akuzat që erdhën pas deklaratave se zgjedhjet e vitit 2021 në Durrës janë vjedhur.

Në një deklaratë për mediat jashtë dyerve të SPAK, Këlliçi theksoi se vendimi i sotëm për pafajësinë e tij tregon që akuzat e ngritura në mars dhe prill të 2021 për zgjedhjet në Durrës qëndrojnë. Ndër të tjera ai akuzoi kryeministrin Rama se ka vjedhur zgjedhjet.

“Pas 16 muajsh merr fund saga e kallëzimeve penale ndaj meje për deklaratat që kam vërë vitin e kaluar mbi zgjedhjet në Durrës prillin e kaluar. Sot ishte vendimi i fundit ku më është dhënë pafajësia. Baroni i OSHE, Ardian Çela që e kam pritur ta kem përballë në çdo seancë të gjitha ato që kam thënë në deklarata publike mbi vjedhjen e zgjedhjeve. Për këtë qendrim timin kam pasur mbi 10 kallëzime dhe ky është vendimi i fundit dhe unë kam marrë pafajësinë. Kjo tregon që akuzat e ngritura në mars e prill të 2021 për krimet zgjedhore në Durrës, qëndrojnë. Rama i ka vjedhur zgjedhjet. Do kisha dashur që baronin e OSHE, ta kisha përballë për t’ia thënë në sy akuzat”, tha Këlliçi.

Kujtojmë se kreu i OSHEE, Ardian Çela paditi disa nga deputetët demokratë për akuzat e tyre se Çela gjatë zgjedhjeve të 25 prillit ka drejtuar një grup të strukturuar kriminal për blerjen e votës për Partinë Socialiste./Opinion.al

Pas