Vizita e presidentit të Turqisë Rexhep Taip Erdogan në Shqipëri ka marrë vëmendje edhe në mediat greke, që në fakt prej ditësh i kishin dhënë hapësirë këtij takimi.
Gazeta Ethnos është ndalur pikërisht në deklaratat e Erdogan për miqësinë mes dy vendeve ndërsa citon presidentin turk:
“Ne ndajmë të njëjtën histori dhe vlera të përbashkëta kulturore me Shqipërinë. Të qenit vëllai juaj në ditët të mira dhe të këqija është një nga vlera më të rëndësishme të kulturës sonë”.
Gazeta citon gjithashtu deklaratën e Kryeministrit Rama, teksa u shpreh qe Presidenti Erdogan është njeri që bën atë që thotë dhe thotë atë që bën.
Në të njëjtën linje qëndron edhe gazeta Kathimerini, teksa citon në titull Kryeministrin shqiptar që shprehet se në politikën ndërkombëtare nuk ka shumë si Erdogan.
Më herët Penta Postagma, ishte shprehur se qëllimi i kësaj vizite ishte që Erdogan të ndihmonte në bashkimin e Shqipërisë se madhe, qe sipas artikullit e shihte si një provincë te Perandorisë së madhe, duke cituar se lidhja e Erdogan me Ramën ishte e veçantë./Opinion.al
