Edhe personazhet publike janë sensiblizuar të gjithë në ditën botërore pa makina. Po ti hedhësh një sy profileve të tyre në rrjetet sociale, kanë postuar të gjithë nga një foto me biçikletë, duke lenë për një ditë makinat dhe duke kthyer sytë nga ambientalizimi…
Erion Veliaj
I pari që braktisi makinën ishte Kryetari i Bashkisë së Tiranës, Erion Veliaj. Ai ka dy ditë që shëtit me biçikletë sot me vullnetarët e “Ecovolis”, ndërsa dje ia ka behur në mbledhjen e Partisë Socialiste me dyrrotakun e tij.
Ajola Xoxa
Bashkëshortja e Veliajt, juristja Ajola Xoxa është gjithnjë në mbështetje të nismave të bashkëshortit të saj. Ajo ka postuar vetëm një orë më parë, një foto ku shfaqet buzë detit me biçikletë. Nuk e dimë nëse është vet Ajola, por foton e kemi marrë nga profili i saj.
Monika Lubonja
Pjesë e kësaj nisme është bërë edhe drejtorja e Qëndrës Kulturore të Fëmijëve, Monika Lubonja. Pas një sërë aktiviteteve që ka organizuar me vogëlushët e kryeqytetit, Monika ka preferuar të shëtis edhe ajo me biçikletë.
Viola Spiro dhe Drini Zeqo
Çifti simpatik i spektaklit “Dance with Me”, Viola Spiro dhe Drini Zeqo të pagëzuar me emrin “Barbie & Ken”, janë solidarizuar në këtë ditë botërore dhe kanë dalë të dy me biçikleta.
Orgesa Zaimi
Këngëtarja Orgesa Zaimi i ka bërë një shëtitje nga kodrat e Liqenit, vajzës së saj Borës duke e edukuar që në moshë të vogël me këtë mjet fantastik. Edhe Orgesa i është bashkuar kësaj nisme duke e lenë për një ditë në shtëpi makinën e saj.
Venera Lumani
Venera Lumani, këngëtarja simpatike nga Maqedonia ka dashur të sensibilizojë qytetarët përmes një fotoje ku shfaqet me biçikletë. Sigurisht që kjo fotografi nuk është realizuar sot, por gjatë një seti ku biondja simpatike ka pozuar për revistën “Shije”.
