Legjislatura e nëntë e Kuvendit të Kosovës nuk është konstituuar as në herën e 26. Deputetët janë dokordësuar në një pikë që seanca e ardhshme, ajo e 27-ta të mos mbahet të Premten për festën e Bajramit, por të mbahet të Enjten.
Edhe këtë të Mërkurë, dështoi formimi i komisionit për votim të fshehtë për zgjedhjen e kryeparlamentarit, ku pro ishin 53 deputetë dhe një votoi kundër.
Deputeti i Aleancës për Ardhmërinë e Kosovës, Daut Haradinaj ka thënë se janë të gatshëm të votojnë kryetarin e Kuvendit nëse Lëvizja Vetëvendosje e ndryshon emrin. Ai ka thënë se AAK-ja ka propozuar dy emra për kryetar të Kuvendit para se të nominohej Albulena Haxhiu.
“Një njëri që mban dy poste, vjen si deputet dhe e mban rolin e kryeministrit, kjo është e jashtëligjshme”, ka thënë ai për kryeministrin në detyrë, Albin Kurti.
