Luftimet midis Azerbajxhanit dhe forcave etnike armene hynë në ditën e katërt këtë të mërkurë.
Azerbajxhani dhe enklava armene etnike e Nagorno-Karabakut thanë se kishte sulme nga të dy palët në disa drejtime përgjatë vijës së kontaktit që i ndan ata.
Luftimet janë përhapur përtej kufijve të enklavës, duke kërcënuar të degradojnë në luftë midis dy ish-republikave Sovjetike.
Kryeministri i Armenisë, Nikol Pashinian, i cili foli me telefon me Presidentin rus Vladimir Putin të martën, tha se në këtë pikë nuk ishte duke konsideruar të kërkonte ndihmë sipas një traktati post-Sovjetik të sigurisë, por nuk e përjashtoi ta bënte këtë.
“Armenia do të sigurojë sigurinë e saj, me pjesëmarrjen e Organizatës së Traktatit të Sigurisë Kolektive (CSTO) ose pa të,” cituan agjencitë ruse të lajmeve të thoshte Pashinian.
Ai tha se ai dhe Putini nuk kishin diskutuar mundësinë e ndërhyrjes ushtarake ruse në konfliktin Nagorno-Karabak.
Rusia ka përdorur CSTO, së bashku me Bashkimin Ekonomik Euroaziatik, një bllok tjetër rajonal i përqendruar në tregti, për të projektuar influencën e saj në pjesën më të madhe të ish-Bashkimit Sovjetik.
Karabaku është një rajon i shkëputur që është brenda Azerbajxhanit por drejtohet nga Armenët etnikë dhe mbështetet nga Armenia. Ai u shkëput nga Azerbajxhani në një luftë në vitet 1990 por nuk njihet nga asnjë vend si republikë e pavarur.
Çdo lëvizje drejt një lufte totale mes dy vendeve mund të tërheqë Rusinë dhe Turqinë, e cila është një aleat i ngushtë i Azerbajxhanit.
Reuters raporton se zyra e prokurorit Azerbajxhan tha të mërkurën shtatë civilë të tjerë u plagosën si rezultat i bombardimeve të qytetit Terter, i cili kufizohet me Nagorno-Karabak.
Ministria e saj e mbrojtjes tha se forcat armene etnike u përpoqën të rimarrin territorin e humbur duke nisur kundërsulme në drejtim të Madagiz, por forcat e Azerbajxhanit e zmbrapsën sulmin.
Ministria e mbrojtjes e Armenisë tha se ushtria azere kishte bombarduar tërë vijën e frontit gjatë natës dhe dy dronë azerbajxhanas u rrëzuan në qytetin Stepanakert, qendra administrative e Nagorno-Karabak.
Dhjetëra njerëz janë raportuar të vrarë dhe qindra të plagosur që kur vala e re e luftimeve shpërtheu të dielën./ Opinion.al
