Një shtetas shqiptar, i cili ishte arratisur nga qelitë e paraburgimit të Divizionit të Sigurimit të Atikës Perëndimore, u arrestua sonte në një banesë në lagjen Haidari të Athinës.
Siç raporton “Zougla” duke cituar burime policore, 40-vjeçari u arrestua duke mos bërë rezistencë, pas një operacioni të organizuar policor që përfshinte një shtëpi dykatëshe ku ai fshihej prej disa ditësh.
Mediat helene raportuan se rreth orës 4 e 20 të mëngjesit të së martës në paraburgim, së bashku me një grek, ai preu hekurat e qelisë me një sharrë në mënyrë që të realizonin planin për t’u arratisur.
Greku u kap disa orë pas arratisjes ndërsa kapja e 40-vjeçarit shqiptar u bë e mundur sot.
Shqiptari, ishte ndaluar nga policia, pasi me bashkëpunëtorët e tij, më 27 nëntor kishte grabitur një dyqan.
