Ka qenë dalja e tij e parë në skenë, sikurse Antoni Çako ka pohuar vetë. Djali i Inva Mulës dhe Pirro Cakos ka zgjedhur festivalin e këngës në RTSH për të përformuar për herë të parë në një skenë pikërisht me një dedikim për gjyshin e tij, Gaqo Çako i ndarë nga jeta verën e këtij viti.
Një djalë i hijshëm, Antoni është treguar njëkohësisht edhe një artist i talentuar, teksa ka sjellë një variant të punuar prej tij të këngës “Këputa një gjethe dafine”.
Antoni është shprehur që këtë këngë e ka sjellë sipas variantit të tij, ndërsa njëkohësisht ka luajtur ne piano. Ajo që ka rënë në sy në imazhin e Antoni, ishin tatuazhet që mbulonin qafën dhe duart e tij. / Opinion.al
