TIRANË – Në emisionin “Opinion” të gazetarit Blendi Fevziu të enjten e javës që kaloi lideri demokrat Lulzim Basha deklaroi se është një lajm që asnjë media nuk guxon ta publikojë. Duke folur për korruopsionin në dogana ai tha se janë vjedhur mbi 300 mln euro ndërsa vetëm më muajin shtator doganave u mungojnë 35 mln më pak se plani. Sakaq Basha akuzoi median se nuk mund t’i shkojë kësaj të vertete deri në fund. “Një doganier ka folur për një gazetar për kontrabandën e cigareve por askush, për fat të keq, nuk guxon ta publikojë”, tha Basha. Ndërsa drejtuesi i emisionit Blendi Fevziu tha se nëse gazetari e sjell intervistën është i gatshëm ta publikojë. Sot ju bëjmë të ditur se në faqen zyrtare Opinion.al do të botohet intervista e zbardhur me doganierin, ndërsa në ditët në vijim do të tramsetohet audio-video në emision “Opinion” në televizionin Klan.
https://www.youtube.com/watch?v=mzdbs8oIVRA&feature=youtu.be
