Cila është atmosfera në Elbasan Arena?- pyeti gjithë kureshtje gazetarja nga studioja, por kolegu i saj në terren tha një përgjigje epike: “Në fakt nuk ka atmosferë fare!”
Bëhet fjalë për ndeshjen e miqësores mes Shqipërisë dhe Uellsit. Tifozët kuqezi nuk duken gjëkundi dhe me siguri që ka ndikuar humbja e thellë e Kombëtares në Shkodër përballë Skocisë.
Gazetari sportiv i “Ora News”, Altin Sulçe pohoi se në rrugët e Elbasanit nuk gjenden tifozë shqiptarë, ndërsa shtoi se tifozët e ardhur nga Uellsi janë më të shumtë.
“20 autobus me tifozë uellsian kanë mbërritur në Elbasan për ndeshjen. Gjendja është e qetë. Policia po formon kordonin e zakonshëm, megjithatë në orët në vazhdim shpresojmë që të shtohen tifozët dhe njëkohësisht dhe ato të policisë. Skocezët dhe uellsianët po na japim leksione, për sa i përket asaj që ne e quajmë “turizmi sportiv”, tha gazetari.
Ndeshja miqësore mes kombëtares shqiptare dhe Uellsit do të luhet sonte në “Elbasan Arena” në orën 20:00, e do të gjykohet nga një treshe arbitrash nga Maqedonia.
