Një zjarr me përmasa të mëdha ka përfshirë zonën mes Peqinit dhe Belshit. Mësohet se prej dy ditësh një zjarr ka përfshirë pyjet me shkurre dhe pemë mes fshatrave të Peqinit dhe Belshit.
Sipas klantv.al, zjarri nisi në fillim në fshatin Trash e më pas u përhap drejt Përroit të Zi dhe sot po mbërrin në fshatrat e Belshit.
Në vendin e ngjarjes kanë shkuar disa zjarrfikëse por e kanë të pamundur të depërtojnë në zonë për shkak të terrenit. Ndërkohë zjarrfikës, punëtorë të pyjores dhe banorë të zonës po përpiqen të fikin flakët.
