Sot pritet që gjykata të vendosë masën e sigurisë për 17-vjeçarin, Florian Përvathi i cili vrau për hakmarrje Lek Lekgjonaj.
Pak më parë ka mbërritur në gjykatë 17-vjeçari, i cili pritej nga familjarët e tij. Me të mbërritur në furgoni i policisë në të cilin ai ndodhej ata kanë shpërthyer në lot.
Kujtojmë se 17-vjeçari qëlloi me armë zjarri Lek Lekgjonajn 65 vjeç pasi vëllai i këtij të fundit i kishte vrarë babain, Gjon Përvathin në 2009.
Ndaj adoleshentit janë ngritur tre akuza “Vrasja për gjakmarrje”, “Mbajtje pa leje e armëve dhe municioneve luftarake” dhe “Prodhimi dhe mbajtja pa leje e armeve te gjuetisë dhe sportive”.
17-vjeçari e ka pranuar autorësinë e vrasjes dhe ka thënë se pistoletën e mbante prej 1 viti, por nuk ka treguar se kush ia kishte siguruar atë./Opinion.al
