Bota

VIDEO/U bllokuan nga stuhia, stafi mjekësor u aplikon kalimtarëve vaksinat


Bëhu pjesë e Grupit Zyrtar të Opinion.al
>> KËTU <<
               Publikuar në : 14:20 - 30/01/21 |
Semiljana Azizi

Punonjësit e kujdesit shëndetësor në Oregon të cilët mbetën të izoluar në një stuhi dëbore filluan të aplikonin vaksinat e mbetura kundër COVID-19 tek shoferët ose kalimtarët që hasnin në rrugë që ato të mos prisheshin dhe të shkonin dëm.

Mësohet se stafi i Shëndetit Publik të Qarkut Josephine po largoheshin nga një klinikë vaksinash në Shkollën e Mesme të Luginës së Illinois, rreth 160 milje në jug të Eugjenit, kur një stuhi i bllokoi ata dhe shumë njerëz të tjerë në mes të rrugës.

 “Duke mos dashur të harxhojmë asnjë dozë, anëtarët e stafit të dedikuar të JCPH filluan të shkonin nga një makinë në tjetrën, duke u ofruar shoferëve një shans për të marrë vaksinën,” tha departamenti i shëndetësisë në një postim në Facebook.

Rreth 20 punonjës shëndetësorë dhe vullnetarë ishin pjesë e grupit, duke përfshirë Christi Siedlecki, të cilët dipononin ende edhe 6 doza të vaksinës.

“Duke shkuar makinë më makinë në atë mot të tmerrshëm më mbushi me krenari. Ndjeva mirënjohje që po punonin aq shumë që të mos harxhonin as një dozë të vetme vaksine, edhe në kushte kaq të tmerrshme”, tha Siedlecki për NBC Neës.

Të gjashta vaksinat u aplikuan me sukses tek ata që ishin bllokuar në dëborë, duke përfshirë dhe  një punonjës të Zyrës së Sherifit të Qarkut Josephine./Opinion.al

Pas